[Testo di "Amuri luci"]

[Strofa 1]
'Nta cuntrada e Munacheddi s’addumavanu li luci
I picurari aveunu lu cielu sutta e peri
Tra li petri e 'mmezzu all'erba, finu a sutta li sdirupi, iddi danzavunu filici
’Nta 'ddi notti senza luna u scuru nni manciava i passi
E 'ddi stidduzzi cu li ali arraccamavunu sinteri
'Nta 'ddi notti senza luna, iu e me frati 'mmenzu a campi sulitari
Nni sitevumu ranni

[Ritornello 1]
Amuri luci
'Nta 'ddi notti senza tempu
Amuri luci
’U’nni putìa firmari cchiù lu scantu
Amuri luci
Giuvanni, isamula 'sta vuci

[Strofa 2]
Supra i viali annìati ’i chioggia
A luci griggia di 'na lampa fatigata illumina l'asfaltu sutta e peri
'Nta ’sta notti longa e senza tempu
A luci vera non na pò purtari arrè lu ventu
Quanti animi vacanti ca ti venunu a truvari
A sinsazioni di sintiriti chiamari è forti
Impastatu cu lu sangu scurri 'u chiantu di to matri
E tu ricogghi strati strati ancora pezzi di to frati

[Ritornello 2]
Amuri luci
Pi nun dimenticari 'nzoccu semu
Amuri luci
E nun nni fa trimari mancu 'u 'nfernu
Amuri luci
Finchì n'arresta 'nfilu i vuci

[Ritornello 2]
Amuri luci
Pi nun dimenticari 'nzoccu semu
Amuri luci
E nun nni fa trimari mancu 'u 'nfernu
Amuri luci
Finchì n'arresta 'nfilu i vuci

[Testo di "La terra di Hamdis" ft. Mahmood]

[Strofa 1: Carmen Consoli; Carmen Consoli & Mahmood; Mahmood]
Ventu, pirchì nun spremi la pioggia
Putissi capari la siti a 'sta terra
Porta nni mia 'sti nuvoli sterili
Ca li pozzu jnchiri cu' li me lacrimi
Campi assitati cusparsi di sangu
Vi vogghiu nnaffiari iu cu' lu me' chiantu
L'amuri tirrenu nun po' cunzulari
Li matri ca un ponnu cchiù vidiri 'i figghi jucari
Curriri e farisi mali

[Ritornello 1: Carmen Consoli & Mahmood]
Ventu, sciogghi 'u chiantu
Stutalu 'stu 'nfernu e fai chioviri
Simenti ri paci
Poi fatti urraganu
Spazza 'u Diu Dinaru e l'eserciti
Di li so' seguaci
Ventu, curri
Ventu, curri
Ventu

[Strofa 2: Carmen Consoli; Carmen Consoli & Mahmood; Mahmood]
Essiri ventu e nun muviri fogghia
Miseria e ciniri 'o postu di l'erba
E un c'è primavera ca po' cunzulari
Li matri ca un ponnu cchiù vidiri 'i figghi turnari
Crisciri e farisi ranni

[Ritornello 2: Carmen Consoli & Mahmood]
Ventu, sciogghi 'u chiantu
Stutalu 'stu 'nfernu e fai chioviri
Simenti ri paci
Poi fatti urraganu
Spazza 'u Diu Dinaru e l'eserciti
Di li so' seguaci

Ventu, sciogghi 'u chiantu
Stutalu 'stu 'nfernu e fai chioviri
Paroli di pace
Poi fatti urraganu
Spazza 'u Diu Dinaru e l'eserciti
Di diavuli armati
Curri, ventu
Sciamma 'u nìuru di 'stu cielu

[Testo di "Parru cu tia" ft. Jovanotti]

[Strofa 1: Carmen Consoli]
Parru cu tia, to è la curpa
Chi fai l'indifferenti 'nmenzu a 'sta fudda
Parru cu tia, proprio cu tia
Tra 'na fumata e 'n'autra i pipa, chi pari ciminera
Sutta di 'sta pampera di la coppula vecchia e cinnirusa
Guardatilu, chi facci: di la purpa supra l'ossa unn'avi tracci
Parru cu tia, to è la curpa
Si porti lu sidduni e un ti lamenti
Parru cu tia, to è la curpa
Si lu patruni strincennu i denti
Cu lu marruggiu 'nmanu e la capizza
T'arrimodda li corna e ti l'aggrizza
Parru cu tia, 'nmezzu a 'sta fudda, to è la curpa

[Ritornello 1: Carmen Consoli]
Sfarda 'sta cammisazza arripizzata
Tincila e fanni 'npezzu di bannera
Sduna pi li straluna e li trazzeri
Chiama picciotti e vecchi iurnateri
Cerca dintra li funnacchi e li grutti
L'omini persi, abbannunati e rutti
Gridaci cu la vuci d'un liuni:
"Genti, vinni lu iornu a li diuni!"

[Strofa 2: Carmen Consoli]
Parru cu tia, to è la curpa
Si la to casa è 'npurtusu scuru unni sduvachi l'ossa
E dico a tia, to è la curpa
Si li to figghi sunnu giarni a forzi 'i stari 'ntra 'dda fossa
E a fami all'antu di la porta
È chiantata cu li granfazzi aperti e 'a vuccazza torta
Parru cu tia, 'nmezzu a 'sta fudda vili e smorta

[Ritornello 2: Carmen Consoli]
Sfarda 'sta cammisazza arripizzata
Tincila e fanni 'npezzu di bannera
Russa comu lu sangu di la terra
Prima di rifriddari e divintari petra
Russa era la tonaca di Cristu
Pi torcia lu to vrazzu e lu to pusu
Russa era la tonaca di Cristu
Unnìula a li venti a pugnu chiusu

[Strofa 3: Jovanotti]
Parru cu tia, dentro allo specchio
Che ti è successo, non ti hanno soccorso
Dimmelo te se questo ha un senso
Vivere soli legati ad un morso che fa così male
Che per non sentire il dolore
Della mia lotta interiore, sono il disertore
E obbedisco ad orecchio
Reprimo la voce che parla da dentro
La cassa toracica, l'anima inquieta
Tutte le lettere dalla A alla Z
Formano un canto che non dice niente
Solo retoriche e vuoto assordante
Parlo con te, mentre guardi che scorre
Sangue di capro espiatorio
Di guerre lontane e distanti come le pupille
Dentro ogni cuore benzina e scintille
Dentro ai ventricoli stan separate
In queste vite addomesticate
Mentre l'ossigeno è sempre di meno
Sei vivo o sei morto? Stai sereno
Parlo con te, dentro al riflesso
Vivere o no, non è lo stesso

[Ritornello 3: Carmen Consoli & Jovanotti]
Sduna pi li quartieri dispirati
(La differenza puoi farla ogni giorno)
Scinni ni li carusi carzarati
(Questo è un viaggio di sola andata)
Gridaci cu la vuci d'un liuni:
(Senza ritorno)
"Genti, vinni lu iornu a li diuni"
(Questo è un viaggio di sola andata, senza ritorno)

[Outro: Jovanotti; Jovanotti & Carmen Consoli]
Parru cu tia, parru cu tia
Parru cu tia, parru cu tia
Parlo con te, parlo con te
Parlo con te, parlo con te